CM leh Police hotute inkâwm

Chief minister Zoram­thanga chuan nimin khan a pisaah Mizoram Police hotute a kâwm. Chief Minister chuan, Mizoram police-te ruihhlo hâl tam lama World Book of Records-a an lang chu a lawmpui thu a sawi.

Mizoram Police hian June 24, 2022 khan ruih­hlo hâl rûnpui an buat­saih a, ruihhlo kg. 930.229 an hâl a, chu chu international market-a Rs 23,62,09,40,245 hû a tling. Police-in ruihhlo an hâl ral hi ṭum khata ruihhlo tihralna lian ber a ni.

Nungcha tawlh rûk manna lian tham ber, nungcha 468 manna nen Mizoram Police chu World Book of Records 2022 Gold Editions pahnihah a lang.

Chief Minister kawm­naah hian DGP Devesh Chandra Srivas­tava, IGP (Hqrs.) John Neihlaia, IGP (Intelligence) Veenu Bansal leh DIG panga an tel a ni.