MITESA-in inkhawmpui an hmang

Mizoram Technical Education Service Association (MITESA) chuan nimin khan Tourist Lodge, Chaltlangah Annual Gene­ral Conference an hmang a, Higher & Technical Education (HTE) minister Dr R Lalthangliana'n a hmanpui.

Dr R Lalthangliana chuan, tunlaiah sorkar department hrang hrang zingah technical mite pawimawhna a langsar telh telh tih sawiin, "Technical mi chher chhuaktu in nih avangin MITESA member-te'n ṭan in lak sauh sauh a pawimawh. Mizote danglam bikna tak chu, thil kan thiam chak hi a ni a, chumi hai chhuak tur chuan mithiam tak takte'n ram leh hnam tan an ngaihtuahna an hman a ṭul," a ti.

MITESA-in an mamawh leh harsatna an sawite chungchangah HTE Minister chuan, sorkarin ngun taka ngaihtuah chung­in a lo bawhzuisak tur thu a sawi. 

MITESA hi technical education lama hmasawn theih nan kum 2005-ah din a ni a, member 48 an awm mek a ni.