Voter ID tel loin nau neih phal lo

Tlabung damdawi-ina nau nei tur reng rengte'n voter identity card an neih ngei a ngai a, voter ID nei lo tan nau neih phal a ni lo. Hemi chungchangah hian Tlabunga senior medical officer Dr R Lalnienga chuan March 1, 2020 khan thuchhuah a siam a ni.

Tlabung damdawi-ina thawktute sawi danin, Tlabung chu Bangladesh ramri hnaiha awm a ni a, Bangladesh-ah Covid-19 vei hmuh chhuah 8,000 an chuan tawh avangin fimkhur a ngai hle. Ssorkarin border trade centre tura a ruahman Kawrpuichhuah ràl mai chu Bangladesh a nih avangin, Bangladesh lama mite'n Tlabung damdawi-in chu an pan ve fo a, nau pawh an nei ve fo a ni. Chuvang chuan, damdawi-ina lut turin khua leh tuite hriat nan birth certificate hman a ni ṭhin.

Economic & Statistic department-in birth certificate an neih zel an phût a, chutih laiin, 'Birth certificate neih hi khua leh tui nihna entirna a ni lo' tih ni mah se, electoral roll-a thun an nih dawnah phût tel a ni thung. Chakma-te chu piang pung ni lo, puitling saa pung an tam nia sawi a awm bawk.

Tlabung damdawi-in OPD-a inentir turte chu voter ID card nei tura phût a ni bawk a; voter ID nei lo te, hmai tuamna vuah lo te, kut silfai ṭha lote chu OPD-ah inentir phal a nih loh thu pawh chhuah a ni tawh. Chu thuchhuak chu Tlabung area-a VC zawng zawngah pek vek a ni.