CM-in dan kalhin a nau a inpuihtir - Dr R Lalthangliana

MNF vice president Dr R Lalthangliana chuan, chief minister Lal Thanhawla chu a department enkawl kawngah dan kalha a nau minister Lal Thanzara inpuihtirah a puh.

Inrinnia Sihphir YMA conference hall-a SEDP zirhonaah thu sawiin R Lalthangliana chuan, "Congress sorkar hi kum kua a kal ta a, unau pahnih/khatin Mizoram mipui leh sorkar department 10 tél an enkawl a, department lian PWD leh P&E-te an enkawl a, kan kawngpuiin a tawrh phah nasa a, hmasawnna engmah an paw chhuak lo," a ti.

MNF Vice President chuan, cabinet minister dangte chu portfolio-ah an inpuitlang thei lo tih sawiin, "Pu Hawla chu a nau cabinet minister-in a enkawlpui vek a ni. Chief Secretary pawhin cabinet minister-te hi an inpui tlang thei lo nia a sawi laiin, Pu Hawla chuan a inpuihtir lui a ni. CS leh CM thu hi a inkalh," a ti a; CM chu dan bawhchhiaah a puh.

Dr R Lalthangliana chuan, unau pahnih khat lekin sorkar an khalh chu India ram hmun dangah a awm ve lo tih sawiin, "Mizo Carbon-a sum tam tak tihchingpen te, lottery aṭanga Mizoram sum hmuh tur Mizoram budget aia tam tute emaw sum báwmah a lut daih mai te, hnatlang thâa kawng siam ngai reng maite hi mi dang ráwn lo leh dik leh dik lo pawh thlu loa unau an kal tawp tawp ṭhin rah chhuah a ni," a ti.