Zirna lama hmalakna thar sawiho

Lunglei district chhunga department hotute, MZP leh MSU aiawhte chuan tun hnai khan DC Lalzarmawii hoin a pisa-ah zirna lama hmalakna thar 'Mentoring Project' chungchang an sawiho.

Lalzarmawii chuan ram leh hnam hmasawn zelna atan zirna kan ngaih pawimawh hmasak ber a ṭul tih sawiin, "Tun dinhmunah Mizoram chhungkaw tam zawkten sum leh tha an sen hnemna ber chu fate zirna a ni hi a lawmawm hle. Sorkar pawhin zirna ngai pawimawhin SSA, RMSA leh scheme dangte hmangin zirna kawngah chak takin hma a la chho mek a ni," a ti.

Lunglei DC chuan zirna lama senso hi naktuk atana rah ṭha tak nei tur a ni thu sawiin, "Zirlaite kaihhruai kawngah ṭan kan lak lehzual a tul a ni," a ti a, zirlai pawl hruaitute chu sorkar hnenah thurawn pe fo thin turin a sawm.

Education Mentoring Project hnuaiah hian Mizo­rama hmasa ber ni turin Lunglei district chhunga department hrang hrang officer-te'n zirna sikul-te tlawhin zirlaite an kaihruai dawn a, anmahni thiam zawng leh tui zawng mila eizawnna kawng an dap thiam theih nan an tanpui dawn a ni.