Independence Day vawi 71-na lawm a ni dawn

Vawiin August 15 hi India-in Britain aṭanga zalenna a hmuh ni, Independence Day vawi 71-na a ni a, Mizoram hmun hrang hrangah lawm a ni dawn.

Mizorama Indepen­dence Day lawmna pui ber, Aizawlah chuan Lammualah zing dar 9 aṭangin hman a ni dawn a, chief minister Lal Thanhawla khuallian a ni dawn. I-Day lawmnaah hian parade contingent eng emaw zat an lám dawn a, zirtirtu thawk ṭha te, police hna thawk ṭhate leh huaisen lawmmante sem a ni ang.

Lammuala hun hman zawh, chawhma dar 11-ah Raj Bhavan tualah Governor Lt.Gen. Nirbhay Sharma chuan thingpui ruai a buatsaih dawn a, Governor's At Home-ah hian mi sàwm bikte tel tura beisei an ni.

I-Day hi district khaw­pui tinah leh khaw dang ṭhenkhatahte pawh lawm a ni dawn a; minister, par­liamentary secretary leh MLA-te'n an hmanpui ang.