MZI-in ṭanpuina an sem

Mizo Zaimi Inzawm­khawm (MZI)-in Mi­zorama tui lian leh lei min tuarte ṭanpuina tura charity event hrang hrang an neih zawh taka an sum hmuhte chu nimin khan Aizawl Press Club-ah a semna inkhawm an hmang.

He hun hi minister Zodintluang-a'n hman-puiin, ṭanpuina sumte a sem. Charity event an huaihawt dan chu - live phone-in, mobile concert leh Rock for Mizoram Concert-te a ni a; Rs. 8,61,577 an hmu a ni.

Ṭanpuina an sem dan chu - CM Relief Fund-ah Rs. 2,00,000, Tlabung tan Rs. 1,02,500, Phairuangkai tan Rs. 1,01,300, Sairang tan Rs. 1,00,000, Saron Veng tan Rs. 1,00,000, Marpara 'S' tan Rs. 1,01,500, Changpui tan Rs. 1,01,200 leh Kolasib MZI tan Rs. 55,077 a ni.