Saitualah I-Day hmang dawn lo?

Saitual District Imple­­menting Demand Committee (SDIDC) bul tumin vawiin hian Saitual khawpui huam chhungah total bandh huaihawt a ni dawn a, hei vang hian Saitualah hian Independence Day hman a nih dawn leh dawn loh a la chiang lo.

Saitual aṭanga thu dawn danin, Indepen­dence Day hmanna tura khelmual ruahman chu, I-Day hmanna tur hian cheibâwl vek tawh a ni a; mahse, khuallian tur, Assembly deputy speaker R Lalrinawma chu he thu ziah lai hian Saitual a la thleng lo.

SDIDC chuan, total bandh an huaihawta duty turte ni lo chu páwna chhuak lo turin an ngen a; district-a puan tawh tihpuitling phûta an ngenna August 12, 2017 thleng an nghah hnu pawha thu lawmawm an hmuh loh avangin Independence Day hi hmang ve thei loah an inngai a, mipui leh sorkar hriatthiamna an ngen a ni.

SDIDC bul tum hian Saitual district tihpuitlin phutna atan Saitual khaw chhung in tinah puan var zar ṭhin a nih bakah, Saitual Town area huam chhung mipuite chuan kawng an lo zawh tawh a ni.