MNF-in Parl. Secy. an duh lo

Nimina Mizo Hnam Rûna MNF party mite inkhawmah MNF senior vice president Tawnluia chuan, Mizoram sorkara parliamentary secretary neih mekte chu dan kalha dah an nih thu leh parliamentary secretary neih chu an duh loh thu a sawi.

Tawnluia chuan, "Congress sorkarin term hmasa aṭanga tun thlenga parliamentary secretary a neih mekte hi constitutional body aṭanga thlirin dan lo a ni a, parliamentary secretary a siam hi dan kalh tlat a ni. Chuvangin, MNF chuan a duh lo a, H Rammawi hmingin High Court-ah petition thehluh a ni. Tun hnaiah Supreme Court-in Assam sorkara parliamentary secretary-te a paihsak a, keini pawhin en fel tur leh zir chian ngaite thlir­in kan bawhzui mek a ni," a ti.