Sangha dil siam beihpui thlak dawn

Fisheries department chuan, sangha thiang­hlim leh tharlám tam zawk mipuiin an ei theih nan, sangha dil siam beihpui thlakna, 'Blue Revolution Zuang­leng' an kalpui a, nimin khan Sai­liam kawng, Ser­chhipah DC Sangchhin Chinzah-in a hawng.

Sangchhin Chinzah chuan, sorkar laipuiin kut hnathawktute a ngai pawimawh tih sawiin, "Tun aṭanga kum nga a vei leh chuan kut hnathawktute'n tuna an thar chhuah let aia tam an thar chhuah theih nana hmalakna lian tham tak tak a rua­hman a ni. Sangha dil thar siam turte hian malsawmna an dawnah lawm nacháng hria a, ṭhahnemngai tak leh rim taka hnathawka hlawhtlinpui ngei a pawimawh," a ti.

DFDO Zonuntluangi sawi danin, Blue Revolution Scheme hi sorkar laipui scheme thar a ni a, ram leilung leh luite aṭanga a tam thei ang ber sangha thar chhuah a nih theih nan leh sangha khawitute sum lak luh a pun a, ram mipuite'n sangha tam zawk ei tur an neih theih nana duan a ni.

Scheme hnuaiah hian Serchhip district chhungah sangha dil thar eng emaw zat laih a ni dawn a, sangha dil hlui eng emaw zat thawm ṭhat a ni bawk ang.