KHAWTHLIR

Thisen pe
Serchhip Kawnpui North Branch YMA chuan, August 13-a an din champha pualin nimin khan JN Hospital, Serchhip tan thisen unit 20 an pe a, a petute hi mipa 17 leh hmeichhia pathum an ni.

Heroin man
Mizoram Police-te chuan August 12, Inrinni chawhnu khan Vanlalrovi (41) w/o Lalrokima leh Lalmuankimi (36) d/o Sanghnuna, Bethlehem Vengthlang ve vete hnen aṭangin heroin hawng thum an man. Heroin an man hi Rs. 1,35,000 hùa chhût a ni.

Lemchan zir
Mizoram Films Development Society (MFDS) leh Information & Public Relations department ṭangkawp chuan, nimin khan IPR auditorium-ah ni nga awh tur lemchan zirna ‘Training on Acting Skill Development’ an buatsaih a, Planning secretary Dr. C Vanlalramsanga'n a hawng. Dr. C Vanlalramsanga chuan film industry chu khawvel mithmuha Mizote phochhuaktu a nih theih thu a sawi.

Ruang hmu
August 10, 2017-a Ṭiau lui, Sihmit chhuah thlang­a tla Lalthuthlungzauva (25) s/o K Lalpiangthara, Bulfekzawl khaw ruang chu August 13, Pathianni chhun dar 1 vel khan a tlakna aṭanga km. 9 vela hlaah hmuh a ni. Ruang zawng hian Bulfekzawl leh a chhehvel khaw hrang hranga mite an thawk chhuak ṭhin a ni.

NLUP sem
Commerce & Industries department chuan BNRGSK Hall, Zobawk, Lungleiah nimin khan NLUP an sem a, parliamentary secretary Joseph Lalhimpuia'n a hmanpui a, ram hmasawnna kawngah sorkar a ṭan em avangin mipuite pawhin ṭan an lak ve a ṭul thu a sawi. Ṭanpuina hi trade hrang hrang pakuaa mi 59 hnenah Rs. 30,77,480 sem a ni.

Tanpuina hlan
Kolasib khaw chhung­a department hrang hrangte thawhkhawm chu nimin khan DIPRO JH Lalparmawii leh Kolasib Sub. Hqrs. MHIP hruaituten Independence Day pualin - Hmangaih-na In, Thutak Nunpuitu Team, Enna In, School for the Blind leh Missionaries Charity Home-ah Rs. 2000 ṭheuhin an hlan.