MJA-in paper chungchang sawipui

Inkhàrkhip chhungin chanchinbu siam­na tur paper, phai lam aṭanga lak luh a harsat vangin MJA, Kolasib district hruaitute chuan nimin khan Kolasib DC Dr H Lalthlangliana a pisaah an hmu a, an harsatna tawhte an sawipui.

Kolasib MJA-te chuan paper lâk khâwl sa an neih tam tâwk loh avangin chanchinbu tihchhuah kawngah harsatna an tawh theih dante an sawi a, an harsatna chinfel theih dan tur an thlen a ni.

Kolasib Bawrhsap chuan, media-te'n harsatna an tawh chu a hriat thiam thu sawiin, harsatna chingfel turin a tih theih chin chinah hmalak a inhuam thu a sawi a; chanchinbu chhuahna tura paper an mamawh zat lo chhût chhuak a, lockdown kalpui mekah Silchar Mizoram House-a thawkte kaltlanga paper lak luh dan ngaihtuah a tum thu a lo hrilh.