Hna thawk ṭha leh huaisen lawmman sem

Nimina Aizawla Independence Day vawi 71-na lawmnaah chief minister Lal Thanhawla'n hna thawh ṭhat lawmmante leh huaisen chawimawinate a sem.

Huaisen lawmman, Jeevan Raksha Padak Award 2016 dawngtu mi pali an awm. Sarvottam Jeevan Raksha Padak chu pawl 7 zir mek Roluahpuii, Darlawn-in a dawng a; ani hian March 3, 2016 khan a ṭhiante pahnih Tuivawl tuia tla a chhanchhuahna lamah a nunna a chán. He award tho hi Isaac Lalrin­chhana, Thingsulthliah hnenah hlan a ni a; ani hian March 9, 2016 khan Tuirini lui livirin an ṭhian pakhat a la chu a chhanchhuak a ni.

Uttam Jeevan Raksha Padak chu Churchill-a, Electric Veng, Aizawl-in a dawng. Churchill-a hian October 2, 2015 khan a thawhna, Lai Students Boys' Hostel-a awmte nen Rihdila an kalnaah mipa pahnih tuiah an tla a, a chhanchhuak.

He award vek hi Ro­luahpuii, Sakawrdai hnenah hlan a ni a; ani hian December 14, 2015 khan a ramkalnaah sanghalin mipa naupang a bei lai a hmu a, a chhanchhuak a, a chhanna lamah a hliam a ni.

State Award for Teachers 2017 chu K Zoramchhani, Headmistress, Chhiah­tlang High School; R Lalzokima, Headmaster, TS Luaia Middle School, Kolasib leh Lalmuankimi Khiangte, Headmistress, Primary School-I, Pukpui, Lung­lei-te hnenah Chief Minister-in a hlan.

Governor Gold Medal chu sub-inspector JH Chunglianthanga, CID (SB)-a awm mek hnenah hlan a ni. President’s Police Medal for Distinguished Service dawng turin Lalbiakthanga, IPS, AIGP-II thlan a nih thu te, President’s Medal for Meritorious Service dawng turin PC Lallianthanga, SP, MPRO; K Lalremsanga, Commandant, 3rd. IR Bn. leh Vanlaltluanga Parte, Inspector of Police, Aizawl, DEF thlan a nih thu te, Union Home Minister’s Medal for Excellence in Police Training dawng turin Hav. Daniel Ramhluna, PTS, Thenzawl thlan a nih thute puan a ni bawk.