Eiruk thubuai 40 a awm mek

Aizawl District & Session Court hnuaia Special Judge (Prevention of Corrution Act)-ah July 2017 thleng khan eiruk thubuai la chinfel loh 40 a awm. Special Judge (PC Act) hi Mizoram Court-a eiruk thubuai ngaihtuah theitu awmchhun a ni.

Special Judge (PC Act) hnuaiah hian January 2017 tìrah thubuai chinfel loh 49 a awm a, January thla vek hian thubuai pakhat a luh belh. Kumin chhunga eiruk thubuai Court ngaihtuah tura lut tawh zawng zawng chu paruk a ni.

Kum tìra thubuai awm sa leh a luh belh zawng zawng nen kumin­ah eiruk thubuai ngaihtuah tûr 55 a awm a, chu'ng zinga panga chu chinfel a ni tawh.