Insumdawn tawnna a kaltluang

Mizoram leh Myanmar inrinna Ṭau lui lei siam a nih avanga hun eng emaw chen India leh Myanmar insumdawn tawnna a kal tluan theih loh hnuah, a pangngai angin insumdawn tawnna kalpui a ni leh tawh.

Champhai aṭanga thu dawn dan­in, lndo-Myanmar Border Trade Point, Zokhawthar kaltlanga insumdawn tawnna atana hman Ṭiau lei hi kar hnih chhung hman theih loh a nih hnuah siamṭhat a ni tawh a, Myanmar aṭangin bungruate an rawn phur lut leh tawh a ni.

Insumdawn tawnna hmunah hian pawisa thlengna siam nghal a ni a, tun dinhmunah India cheng khat (Re. 1) leh Myanmar pawisa Kyat 20 a intluk mek. Fûr khawchhe hnuaiah ram pahnih insumdawn tanna kawngpuite Iaih ṭhat a nih vangin inkal pawhna kawngah lirthei tan kal harsa deuh a, mahse, ritphur lirthei bungraw phurte'n kal an ṭhulh chuang lo.

India ram lam aṭangin bungrua thawn chhuah a tlem zawk a, Myanmar lam aṭanga bungraw lo Iut a ṭha thung. A bikin ni tin eichawp thil a tam a, vawk erawh Myanmar lamah hri a Iên avangin Mizorama lak luh phal a ni lo.