Assembly session ṭan dawn

Vawiin chawhma dar 10:30 hian 8th Mizoram Legislative Assembly ṭhutkhawm vawi 10-na ṭan a ni dawn. Assembly session hian ni thum chhung a awh dawn a, September 8, 2022-ah a ṭiak ang.

Tun ṭum Assembly session atan hian nimin tlai thleng khan zawhna House-a chhan chi (starred question) 188, ziaka chhan chi (unstarred question) 104 leh bill pahnih a lut tawh. Ni thum chhung session-ah hian chawhma dar 10:30 aṭanga 11:30 thleng zawhna leh chhanna hun hman a ni ang a; chumi hnuah bill leh thildang lutte sawiho ṭhin a ni ang.