Laithangpuii College of Pharmacy-in Graduation Day vawi 4-na an hmang

Mission Foundation Movement-in an din, Laithangpuii College of Pharmacy chuan February 5, 2020 khan Tourist Lodge, Chaltlangah 4th Graduation Day an hmang a, Diploma in Pharmacy zir zo mi 48-te an thlah. He hun hi Lokayukta chairman C Lalsawta'n a hmanpui a ni.

Laithangpuii College of Pharmacy hi Pharmacy Council of India leh State Council for Technical Education-a inziak lut a ni a; Mizoram bakah, Sikkim, Nagaland, Tripura, Arunachal Pradesh leh Manipur aṭangtein zirlai an lut a, mi 130-in Diploma in Pharmacy an zir zo tawh a, zirlai 97 an awm mek bawk.