Zirtirtu ṭha chawimawina hlân

Serchhip DC Nazuk Kumar chuan nimin khan Teachers' Day pualin Serchhip district-a zirtirtu ṭha thlan mi pathum - Hmar Veng P/S headmistress Lalramngaii Sailo, Chhingchhip M/S-II headmaster R Vanlalhluna leh JM H/S headmaster Paul Zohmingthanga te hnenah District Award to Teacher a hlân. Award hian thuchei, medal leh Rs 5,000 a keng a ni.

Champhai District Edu­cation Committee pawh­in an chairman James Lalrinchhana, bawrh­sap hoin nimin khan DC conference hall-ah zirtirtu thawk ṭha chawi­mawina State Award dawngtu F Lalramliana, Zawlsei Middle School headmaster lawmpuina hun an buatsaih a, lawmpuina thuchei leh pawisa a hlân.