Minister-in Chin Kumthar Kût hmanpui

School Education minister Lalchhandama Ralte chuan September 3, 2022 khan Charlotte, North Carolina, USA-ah Chin Kumthar Kût a hmanpui. Kûtah zai leh lâm bakah, hnam ziaráng hmanga incheinate entir a ni.

Lalchhandama Ralte chuan, Zo hnahthlak hmun hrang hranga awmte chu unau an ni tih sawiin, "Myanmar-in harsatna a tawh chu Mizo mipui harsatna pawh a ni nghal. Myanmar-in remna leh muanna a neih theih nan Chief Minister-in nasa takin a bei a, Myanmar sipai hotute leh hnam sipai hotute a dàwr a, India sorkar hotute pawh dawrin hma a la a ni," a ti.

Myanmar aṭanga ráltlân Mizorama lutte chu Mizo mipui, kohhran, tlawmngai pawl leh sorkarin theihtawp chhuahin tuamhlawm hna an thawk tih sawiin Lalchhandama chuan, "Chênna leh silhfênte pein, naupang zirlaite 6,000 chuang chu lehkha zirtir an ni a, heng zirlaite hi zirlaibu leh uniform pek an ni," a ti. Chi bil angin a din chhuah theih loh a, ṭanrualna thinlung pu tlat tur leh ram leh hnam din chhuah nan Pathian aua ṭangrual turin USA-a Mizote a chah bawk.