Kolasib-ah Teachers' Day kawngzawh

Nimin khan Teachers' Day pualin Kolasib khawpuiah zirlaite'n kawng an zawh a, Kolasib-a sikul hrang hranga zirlaite an tel. Zirtirtute chawimawina thuziak an ken bakah, hmun hrang hrangah an au rual a ni.

Teachers’ Day kawngzawh hi district bawrhsap John LT Sanga'n hmanpuiin thu a sawi a, "Zirtirtute hi zirlaite theihna leh thiamna tipung tura mi pawimawh tak an ni a, mi hlawhtling leh hman tlak ni tur chuan zirtirtute zah thiam leh an thu awih hi thil pawimawh a ni," a ti.

Kolasib Bawrhsap chuan, zirlaite mi puitling leh hman tlaka chher chhuak turin zirtirtu rintlak, ngilnei, inhawng leh inpekna thinlung pú nih a pawimawh thu a sawi a; ram leh hnam tihhmasawn zelna turah mawhphurhna pawimawh tak zirtirtute'n an neih thu a sawi bawk.