Lunglei leh Lawngtlaiah PMMVY hawng

Women and Child Development department buatsaihin nimin khan Lunglei DC Kulothungan A chuan DC conference hall-ah nu, nau neih hnua nu leh naute an inenkawlna atan ṭanpuina Rs 5,000 dawn theihna scheme Pradhan Mantri Matru Vandan Yojana (PMMVY) Saptah a hawng.

Mizoramah PMMVY hnuaiah mi 32,067 an inziak lut a, Lunglei district-a mi 5,057 an inziak lut. Lunglei district-a inziak lut zinga mi 4,169-in hamṭhatna an dawng tawh a ni.

Lawngtlai additional DC James Miahlung pawhin nimin khan DC conference hall-ah fa tìr pâite tana hamṭhatna Rs 5,000 dawn theihna, Pradhan Mantri Matru Vandana Yojana Saptah a hawng bawk. Scheme hnuaiah hian Lawngtlai district-ah min 2,454-in hamṭhatna an dawng tawh.

PMMVY dil tur hian diltu naute nu leh pa Aaadhar number, nu inentirna lehkha pawimawhte leh bank passbook thlalakte a ngai a; hamṭhatna Rs 5,000 chu ṭum thuma pek tlak tur a ni.