Lirthei tlan dan ruahman thar
Traffic SP C Lalthanmawia chuan thupek chhuahin, Upper Khatla-a MG Road, Bible House hlui bula lei tlakhniamna hmunah mihring kalna tur lei (bridge) siam zawh a nih tawh avangin, lirthei tlan dan turah ruahmanna thar siam a nih thu a tarlang.
Lirthei tlan dan tur
w MG Road-ah Sikulpuikawn aṭangin Raj Bhavan lam panin LMV tlan phal a ni; hei hian 207/407 a huam lo.
w Raj Bhavan lam aṭangin Sikulpuikawn lam panin two wheeler chiah tlan phal a ni a, LMV leh a chung lam tan tlan tlang phal a ni lo.
w Two wheeler-te MG Road-ah khawi lam hawi zawng pawhin tlan phal a ni a, kawng chhiatna lai a têt avangin fimkhur leh mi dang ngaichâng chunga khalh tur a ni.
w Motor lian - HMV, MMV leh 407 truck Treasury Square aṭanga chhim lam pante chu Venghlui, Pi Pangi Péng, Upper Republic kawng lamah tlan tur a ni a; hei hian mihring phur bus, Sikulpuikawn aṭanga Khatla pana tlan lêt leh turte a huam.
w Upper Republic kawngpuiah LMV leh two wheeler-te khawi zawng pawha tlan theih a ni.
w LMV/city bus service mekte chu Tuikhuahtlang kawngah, PCCF office kawt aṭangin CYMA office chhak kawngah tlan theih a ni.
w Sikulpuikawn aṭanga Tuikhuahtlang lam pan tur tan Govt. Aizawl College sir kawngpui, Upper Republic kawng chungah tlan tur.
w Tuikhuahtlang chhîp leh Raj Bhavan inkar kawngpui chu LMV tan khawi hawi zawng pawhin a tlan theih.
w Raj Bhavan - Sikulpuikawn via Tuikhuahtlang leh Treasury Square - Sikulpuikawn via Upper Republic kawngpui dungah lirthei hûn/park phal a ni lo.