Village Population Registration tih tum

Central YMA chuan, ram dang aṭanga Mizorama dan loa Chak­ma pêm lutte dap chhuah a nih theih nan, Village Population Regis­tration ti turin a ṭul anga hmalak an rel.

YMA Central Execu­tive Committee (CEC) member-te August 15, 2017-a ṭhukhawm chuan, "Kum 2015-a Chakma foreigner dap chhuah chungchanga Mizoram sorkar nen Village Population Registration nei tura ruahmanna awm tawh chu a hlawhtlin theih nan, hmalak a nih dan Home department-ah zawh chian ni se, kan beisei anga sorkarin hma a la lo a nih chuan a ṭul angin YMA-in hmalak mai ni se," an ti.

Central YMA chuan, Chakma chungchang mumal zawka zir chiang tur Study Group din an rel a, a ṭul angin CYMA office bearer-te'n ruahman­na lo siam se, an ti a ni.