Serchhip damdawi-in A hmun ngaia sak duh lo

Serchhip Town VC Association chuan, Serchhip District Hospital (JN Hospital) sak ṭhat tum mekah, bialtu MLA, chief minister Lal Thanhawla'n lungphûm a phùmna ni lo, tuna a awmnaa sak tumna a awm nia an hriat thu leh ṭha lo an tih thu an tarlang.

Serchhip Joint V/C-te hi nimin zing khan an chairman PC Siamliana kaihhruaiin Lalpuithanga Hall, Serchhip Chhimvengah an ṭhukhawm a; tuna JN Hospital awmna chu khawpui chhung laili tak a nih avangin, mipui hriselna thilah leh damlo tan thil ṭha lo thleng theiah an ngai a, CM-in sawn chhuah a duhna chu ṭha an tih thu leh sakna tura tih Tarpi tlang chhim lam Lawibualah sak thuai an nghahhlelh thu an pass a ni.