Serchhip ZEM-in thláwp

Zoram Exodus Movement (ZEM), Serchhip district chuan thuchhuah siamin, ZEM-in ZNP leh MPC-te nena thawhhona thuthlung an ziak chu an thlàwp thu an tarlang.

Serchhip ZEM chuan, MPC, ZNP leh ZEM-te thawhhona huangah thinlung leh tih tak zeta ram leh hnam vei, Zoram siamṭhat duhtute chu an leng vek tih an tarlang a, "Mimal leh pawl ang te, ṭhianzaho ang­te pawha rawn zawm zel turin Zoram mipui zawng zawng kan sawm a ni," an ti.