Lawngtlai MJA-in damdawi-in an tlawh

Lawngtlai District MJA-te chuan August 16, Nilaini khan Lawngtlai District Hospital an tlawh a, medical superintendent Dr Lalmalsawmi Hmar hoin damdawi-in dinhmun an enho.

Lawngtlai District Hospital-ah hian tun dinhmunah medical superintendent tel loin doctor 10 an awm mek a, chu'ng zinga pathum chu hmeichhe lam, hnim hlum leh medicine specialist-te an ni a, medical officer paruk awmin, ha lam doctor pakhat a awm. Nurse (regular) paruk leh contract-a rawih pathum, an vaiin pakua an awm mek.

Damdawi-in an tlawh zawhah Lawngtlai MJA hruaitute ṭhu khawm chuan, nurse indaih lohna a nasa hlea an hriat thu leh sorkar lam pawhin nurse indaih loh vanga harsatna sutkian tumin hma a la mek nia an hriat thu an sawi a ni.