Lunglei leh Serchhipah NULM Rally

Nimin khan Lunglei leh Ser­chhipah 'National Urban Livelihood Mission (NULM) Poverty Free India 2022 Rally' neih a ni a; NULM kaltlanga ṭanpuina dawng tawh self help group (SHG) member-te an tel.

Lungleiah chuan rally hi Chanmari-ah neih ṭan a ni a, inkhawm tawi buatsaihah Lungleia UDPA officer Andrew Lalhruaia chuan, New India Movement 2017-2022 a sawifiah a, "Kum 2022-ah India rama mirethei an awm tawh loh nan leh India ram hmel thar siam turin he movement-hi sorkar laipuiin a buatsaih a ni," a ti.

Serchhipah chuan rally hi Ser­chhip Tuikhuah Veng aṭanga ṭan a ni a; NULM district project director Beitlotha Nohro chuan, rally chu khawpuia cheng mi harsa zawkte khaichhuahna programme hrang hrang te, mahnia eizawnna dinna tura loan ruahmanna te, SHG hmanga indâwm kânna kalpui mek­te mipuiin zau zawka an hriat theih nana ruahman a nih thu a sawi.

NULM Rally-a telte hian New India Movement thutiam (pledge) an sawi rual a ni.