Citizenship (Amendment) Bill, 2016 Ngaihtuah turin Law Minister ngen

PRISM chuan Parliament-a Citizenship (Amendment) Bill, 2016 chungchang Chief Minister hoa ngaihtuah a a nih thuai theih nan meeting ko thuai tura ngenna nimin khan Law & Judicial minister Lalsawta hnenah an thlen.

PRISM chuan thu­chhuah siamin, Parliament-a Citizenship (Amendment) Bill, 2016 pass tuma hmalak mek chungchangah chief minister Lal Thanhawla chu hma la muang lutuk­ah an puh a, thla thum pumhlûm chhungin Citizenship (Amendment) Bill tan hun a nei thei lo niin an sawi.

PRISM tarlan danin, Citizenship (Amendment) Bill, 2016 chung­changa hmalak dan tur hi Law & Judicial Minister hoin May 12, 2017-ah ngaih­tuah a ni a, a rang lama CM hoa ngaihtuah turin an dah. Mahse, tun thlengin CM Lal Thanhawla'n Citizenship (Ammendment) Bill, 2016 ngaihtuah tur­in meeting a la ko lo.

PRISM chuan, "Kan CM muang lutuk hian ngaih a ti ṭha tawh lo a, hma a la ngam lo a ni hial lo maw kan ti tawh a ni," an ti.