PMKSY kalpui dan thlír lêtna nei

Nimin khan Agriculture directorate committee room-ah Pradhan Mantri Krishi Sinchayee Yojana (PMKSY) review meeting neih a ni a, Agriculture director (Crop Husbandary) J Lalzamliana'n a hmanpui.

J Lalzamliana chuan, review meeting-in rah ṭha a chhuah ṭhin tih sawiin, "Department hmalakna leh hnathawh reng rengah kut hnathawktute'n a ṭangkai thei ang bera an chhawr thei tura kalpui a pawimawh ber a ni," a ti.

Meeting-ah hian subject matter specialist Pradip Chhetri-a'n scheme kalphung leh hnathawhte a lem nen a sawifiah.

PMKSY hi Agriculture department bakah Horticulture, Rural Development leh Irrigation & Water Resources department-te'n an kalpui a; buh leh bâl thar chhuah, ram leilung enkawl leh venhimna kawngah tui pawimawhzia hriain sorkar laipuiin a siam a ni.

Scheme-in a tum ber chu, buh leh bâl chìnna hmun reng rengah tui a awm tur a ni, tih a ni a; chumi rual chuan, a awmsa a ṭangkai thei ang bera hman leh ruah­tui luang ral mai mai turte pawh ṭang­kai zawka hman dan ngaihtuah bakah, ram leilung a tihchhiat mai lohna tura hmalak leh enkawlte a huam bawk.