Sikul himna tur zirho

Siaha District Disaster Management Authority chuan nimin khan DC conference hall-ah ni hnih awh tur, 'Training on School Safety' an buatsaih a, Siaha SDO (S) Lalnunmawii'n a hmanpui.

Lalnunmawii chuan, zirna-ina khawsa tam ber chu naupangte an ni tih sawiin, "An zirna tluk thoin an himna ngaih pawimawh tur a ni.

Hun kal tawha chhiat­na thlengin naupang, sikul kal laite nunna tam tak a lo la tawh ṭhin a, result ṭha kan duh luat avangin sikul in a him leh him loh pawh kan ngaihtuah hman lo a, kan zirna inte hi hmun hlauh­awm takah kan chantir ang tih a hlauhawm hle," a ti.

Siaha District Disaster Management Authority chuan, an district chunga sikul tinte chu chhiatrupna a lo thlen thulha chêt lak dan tur ruahmanna felfai tak tarlanna School Disaster Management Plan siam ṭheuh turin a ngen a ni.