ILP nei lote man
Lunglei district-a police station zawng zawngte chuan nimin khan Inner Line Permit (ILP) endik rûnpui an ṭan. Hnam dang ILP nei lo, permit thi tawh, mahni permit neih ang taka thawk lo leh sponsor-tu ni lo hnuaia thawkte an zawng a; dan bawhchhia an mante chu Chief Judicial Magistrate Court-a hruai an nih hnuah a ṭul anga thawn kîr turin ruahmanna siam a ni.
YMA sub-headquarters, Kolasib hnuaia Kumpuan Committee chuan pawhin nimin khan dan loa Mizorama hnam dang lut mi 56 an man a, an awmna state lamah an thawn kîr. North Chhimluang khuaah zu litre 30 chuang an man chu khawtlang hruaitute nen an leih baw nghal bawk.