ZNP-in MPF an thlawp thu puang

ZNP chuan thu­chhuah siamin, Mizoramin kum 2018-a inthlanpui a hma­chhawn turah rorelna dik leh ṭha a awm theihna tura Mizoram People Forum (MPF)-in hmun hrang hranga beihpui an thlak mek chu lawmawm an ti a, an thlàwp tlat thu an tarlang.

ZNP chuan, August 8, 2017 zana ITI Veng MPF Local Forum-in MPF leh political party hrang hrangte inkawmhona an buatsaiha MPF general secretary Rev. Dr R Lalbiakmawia thusawi ngaihuain Congress party hruaitu ṭhenkhatin Synod Moderator hnena lungawi loh thu an thlen niin an sawi a, "Kan ramah rorelna dik lui anga a luan theihna tura MPF hmalakna hi ZNP chuan a thláwp tlat zel dawn a, MPF hmalakna tiṭhuanawp zawnga sorkar lai Congress hmalak dan hi demawm kan ti tak zet a ni," an ti.