e-POS hmangin buhfai sem dawn
Food, Civil Supplies & Consumer Affairs (FCSCA) Director chuan, mipuiin retailer aṭanga buhfai an lak dan turah thuchhuah thar a siam a; district ṭhenkhatah e-POS Machine hmanga buhfai sem tawh tur a nih thu a tarlang.
FCSCA Director tarlan danin, DCSO, Aizawl East leh Aizawl West huam chhungah leh DCSO, Serchhip, Mamit leh Kolasib district huam chhungah February 2020 quota chu retailer-te'n e-POS leh weighing scale hmanga an sem theihna turin ruahmanna siam tur a ni.
e-POS leh weighing scale hmanga ration sem chungchangah retailer-te'n harsatna an nei a nih chuan DCSO leh NIC scientist Lallawmkima, emaw, DD(G) Laldinsanga emaw, Linkwell Telesystem-a mi Francis Samanta hnenah emaw hriattir vat tur a ni a; uluk taka retailer-te vila enpui turin DCSO tin hriattir a ni bawk.