Power lei nan cheng vbc. 152.41 sêng ; Hralhna aṭangin vbc. 138.04 hmuh a ni

Power & Electricity minister R Lalzirliana chuan ZPM member Dr Vanlalthlana zawhna chhangin, kum 2022-23 chhungin kawlphetha leina atan cheng vbc. 152.41 sèn a nih tawh thu leh, hemi hun chhung vêk hian kawlphetha hralhna aṭangin cheng vbc. 138.04 hmuh a nih tawh thu House a hrilh.

R Lalzirliana chuan, sorkar kum kal mek 2022-23 chhungin kawlphetha hralhna aṭanga sum hmuh tur la dawn loh cheng vbc. 20.01 a awm thu a sawi a, "Senso tawh aia hmuh tawh zat a tlemna chu cheng vbc. 14.37 a ni," a ti.

Power & Electricity Minister-in ZPM member VL Zaithanzama zawhna ziaka a chhan danin, kum 2021-22 chhung khan Mizoram sorkarin kawlphetha leina atana sum a hman zat chu chawhrualin thla khatah cheng vbc. 33.33 a ni a, kawlphetha man aṭanga a hmuh let zat chawhrual chu cheng vbc. 22.37 a ni.

Mizoram chhungah state sorkar siam hydel project/small hydel project 14 a awm a, chu'ng bakah chuan central sector pa­khat Turial Hydro Electric Power a awm bawk.