Khawpuia sikulte a theih ang angin thawm ṭhat tum

Chief minister Zoram­thanga chuan nimin khan Assembly session-ah School Edu­cation Minister a awm loh avangin a aiawhin zawhna a chháng a; khawpuia sikulte chu a theih ang angin thawm ṭhat tum a nih thu House a hrilh.

CM chuan, sikul tam tak thawm ṭhat theih a nih dawn loh thu sawiin, "Sum awm ang angin a tih theih dan ang angin tih kan tum. A mamawh zualte thawm ṭhat tum a ni ang," a ti.

DIET-a zirtirtu indaih lohna member-te'n an sawi chhuah chungchangah Zoram­thanga chuan, "Sikul ang thoin DIET-ah pawh zirtirtu indaih lohna a nasa hle a, hmalakna tur kan ngah hle," a ti a; theihtawpin hma an lak tur thu a sawi a ni.