Covid-19 vei mek zat a tlahniam zel

September 5, Thawhṭanni khan Mizoramah Covid-19 vei mi 81 hmuh chhuah a ni a, nimin khan hripui vei dam tawh mi 82 chhuahtir an ni. Niminah Covid-19 vanga thi an awm lo a, tlai lamah hripui vei enkawl lai mi 322 awmin, an tlem

hret hret.

Thawhṭannia Covid-19 positive hmuh thar mi 81-te chu mipa 39 leh hmeichhia 42 an ni a, ZMC RT-PCR laboratory-a hmuh chhuah mi pakhat leh RAT hmanga hmuh mi 80 an ni.

Hripui vei dam tawh nimina chhuahtir mi 82-te chu - Aizawl district-ah mi 16, Lunglei district-ah 13, Mamit leh Saitual district-ah 12, Kolasib district-ah 10, Khawzawl district-ah pasarih, Hnahthial district-ah panga, Siaha leh Champhai district-ah pathum ve ve leh Serchhip district-ah pakhat an ni.

IDSP record angin, Mizoramah Covid-19 vei 2,37,470 hmuh chhuah a ni tawh a, mipa 1,10,600 leh hmeichhia 1,26,870 an ni a, mipa aiin hmeichhia 16,270-in an tam zawk. Nimin tlai dar 5 thleng khan mi 2,36,426 (99.56%) chhuahtir an ni tawh a, mi 722 (0.30%) thi tawhin, enkawl mek mi 322 (0.14%) an awm.

Kum 2011 chhiarpui angin, Covid-19 vei hmuh tawh 2,37,470 chu state mipui zat aṭangin 21.63% a tling a, India rama state zingah a sang ber. Mi 1,000 zelah positive 216 an awm tawh ang a ni a, hripui vangin mi 1,00,000 zelah mi 65 an thi tawh ang a ni bawk.