Boxer chawimawina hlân

6th. Golden Gloves of Vojvodina - Youth Women Boxing Tour­nament, Serbia-a neih zawh taka kg. 60 cate­gory-a gold medal latu Vanlalhriatpuii, Cham­phai Vengthar chu ni­min khan Sports & Youth Services minister Zodintluanga'n a pisaah chawimawina a hlan.

Sports Minister chuan, Mizo infiammi khawvel huapa gold medal dawng chawimawina hun hman a ni leh thei chu Pathian malsawmna a nih thu a sawi a, "Mizo infiammite hmakhua ngaiin sorkarin infrastructure hrang hrang a din bakah, naupang leh ṭhalai zawkte a chher chho a, tunah chuan training ṭha taka dawngte hian ram tan hmingṭhatna leh lawmman an rawn hawn ta fo hi a lawmawm tak zet a ni," a ti.

Foreign coach emaw, national coach emaw chhawr duh sport associa­tion-te tan cheng nuai 25 dah a ni chungin, association-te'n an hmang ṭangkai lo tih sawiin Minister chuan, "Tunah chuan Rs. 3,00,000 chauh dah a ni tawh. Badminton-in Malaysian coach an ruai hlauh a, tennis leh aquatics lam zirtir turin national coach rawih mek an ni bawk," a ti a; sorkar chu infiammite hmasawnna kawngah a inhuam thui thu a sawi.

Sports Minister hian Vanlalhriatpuii hnenah ram aiawha international tournament-a chakte hnena pek ṭhin kit allo­wance Rs. 10,000 hlan a ni.

Vanlalhriatpuii chawi­mawina inkhawmah hian SYS secretary HL Rochungnunga, MSSC secretary C Laltlanthanga leh sport association hruaitute an tel.