Mizo tui siamte a ṭha tâwk lo

Health & family Welfare department-a Food Safety commissioner Dr F Lallianhlira chuan nimin khan hriattirna a tichhuak a; Mizorama tui in tura siam (packaged drinking water) - Zo Aqua, Brook, Amawii leh Koinonia-te chu Food Safety and Standards Act, 2006-in standard a siam quality an tling pha lo tih hmuhchhuah a nih thu a tarlang.

Food Safety Commi­ssioner hriattirna tihchhuah chuan, "Food Safety Au­thority of Mizoram chuan thla khat chhunga tui siam chhuahna hmanrua leh khawlte tihmasawn a, ruahmanna ṭha zawk siam turin a siamtute a hriattir. Hemi chhung hian tui in tur siam chhuak lo tur leh an siam sa dawra pek chhuah tawhte pawh ko kîr leh vek turin a hriattir bawk," a ti.

Dawrkaite pawh an tui kawl sate mipui hnena hralh lo turin a hriatir an ni a; packaged drinking water dangte leh phai lam aṭanga lo lutte pawh quality endik mek zel a nih thu tarlan a ni bawk.