Tlabung damdawi-in aṭangin Chakma foreigner nau neite Certificate pe chhuak ṭhin?

MZP sub-headquar­ters, Tlabung chuan thu­chhuah siamin, Tla­bung damdawi-inah Bangladesh mi Chakma-te'n nau an neih chángin, Tlabung damdawi-in aṭangin nau neihna certi­ficate an pe chhuak ṭhin niin an tarlang a; dam­dawi-in aṭanga Chakma foreigner nau neite hnenah certificate pek chhuah chu thil pawi tak nia an hriat thu an sawi.

Tlabung MZP chuan, "Bangladesh Chakma-te'n nau an lo neihin certificate an lo neih tawh si chuan, Chakma khua khawi lai Birth & Death register hnenah emaw birth certificate an dil leh ṭhin avangin kan ram leh hnam tan a him lo hle," an ti a; Chakma foreigner nau piangte chu nau neihna certificate pe tawh lo turin thuneitute an ngen a ni.