Hnam himna ngaih­thahah sorkar puh

ZNP president Lal­duhoma chuan, “Kan hnam hungna pal a áwng héu huau pawha haider lui tlat ṭhin sorkar kan hrawn mek a ni,” a ti a; hnam himna ngaihthah party hnâwl a hun tawh thu a sawi.

Lalduhoma hian ni­mina ZNP pisaa inkhawm­ah thu sawiin, tlawmngai pawl hrang hrangin Mizo hnam himna atana sorkar tih tur, ILP endika hma an la chu ṭha a tih thu sawiin, NGO-te thawhrimna avangin Mizo hnam a la him hram hram niin a sawi a, "Tun dinhmunah kan hnam himna lungphùm a nghìn mek lai pawha hmalak tum reng reng lo kan MP pahnihte hi ka dem ngawih ngawih a ni,” a ti.

ZNP President chuan, "Hnam pawikhawihna chi hrang hrang a thlen pawha ngawi reng ṭhin sorkar kan hrawn a, ram leh hnam vei rêng rêng lo sorkar kan nei a, Lammuala hnam dang pung khâwm tam chakzia hmu reng chunga ILP check duh chuang lo sorkarin min kaihruai a, hei hi kan ram leh hnam tan a pawi em em a ni," a ti a; mipui­te chu harh a, ram leh hnam himna ngaihtuah lo party hnâwl tawh turin a chah a ni.