Faina chungchang inzirtirna buatsaih

UDPA department hmalaknain nimin khan Champhai Town Sanitation Task Force (CTSTF) chuan lui hnár, tui leh kawr kam tihfai chungchang zirtirna an buatsaih a, DC Vanlalngaihsaka'n a hmanpui.

Vanlalngaihsaka chuan, faina leh thianghlimna pawimawhzia sawiin, "In chhung leh khawlai chauh ni loin, kan khaw chhung luikawrte a fai a, kan tui tlante a thianghlim a ngai. Chhung tin leh mimal tinte bawlhhlawh paih kawng­ah kan fimkhur a ngai a, kan bawlhhlawh paihin ṭhenawmte leh van­tlang tana hnawksak a siam chuan kan la fai tawk lo tihna a ni," a ti.

Campaign-ah hian Champhai khawpui chhunga sorkar hnathawkte bakah, YMA sub-hqrs, Champhai ṭhuthmun YMA branch 25 aṭangin mi ṭhahnem tak an tel a ni.