Mizoram hi Chakma ram a ni lo - MPC

MPC party chuan thuchhuah siamin, Mizoram pum chu Chakma-te ram a ni ngai lo tih lo hre tur­in Chakma National Council of India (CNCI), Mizoram State Committee leh Chakma NGO-te an chah.

MPC chuan, August 17, 2017-a CNCI, Mizoram State Committee leh Chakma NGO-te'n Chawngtea Black Day an hmannaa an thu­chhuahah, Mizoram khawthlang lam chu hmasang aṭanga Chakma-te chenna leh an ram ngei a nihzia an au chhuahpui chu an helh hle tih an sawi a, "Mizoram khawi hmun pawh hi Chakma-te ram a ni ngai lo," an ti.

PC party-in sorkarna an chelh laia Brig. T Sailo-in Mizo ram, hnam leh sakhua himna tura a hmalaknate'n bengkhawn a hlawh loh avang­in tunah chuan Mizo nulate'n Chakma minister ngháwngah par­ṭhi an awrhtir ta mawlh mawlh mai niin an sawi a; lungchhiatthlak an tih tak zet thu an tarlang.