BMP MEET:

Mizoram Baptist Kohhran hnuaia fellowship pakhat, Baptist Mipa Pawl inkhawmpui, BMP Meet vawi thumna chu nizan khan Thingsai khaw khelmuala pandal sakah ṭan a ni a, Pathianni zanah a ṭiak ang. Inkhawmpuiah hian thupui chu 'Isua zuitu rinawm' tih a ni a, speaker bik awm loin, BCM hruaitute'n an sawi ṭhin dawn a ni. Nizan khan inkhawmpui hawnna inkhawm neih a ni a, BCM general secretary Rev. F Ramdinmawia’n  a hawng a, inkhawm apiangin zaipawl 5-7 vel an awm ṭhin ang. Mizoram BMP Meet hi kum thum danah neih ṭhin a ni a, a vawi khat nan kum 2014 khan Lunglei Bazar Veng biak-inah nghah a ni a, kum 2017-ah Zobawk khelmualah hman leh a ni bawk. BMP Meet neihna atan hian pandal sak a ni a, a sak nan thâ 900 chuang an séng a ni.