All India Heritage Quiz buatsaih

INTACH, Mizoram Chapter leh New Delhi-a an hmunpui ṭangkawp chuan August 19, Inrinni khan Chaltlang High School-ah pawl 6-10 zirlaite tan All India Heritage Quiz, 2017 a buatsaih a, sikul thlan 16 aṭangin zirlai 104 an tel.

Quiz competition-ah hian Lalremsiama Darchhun leh Nibha Kumari Singh, St. Paul's HS ve ve pakhatna an ni a, anni hi vawiina Guwahati-a regional competition neih turah Mizoram aiawhin an tel ang. A tiṭha ber team chu New Delhi-a national level competition-ah an tel dawn a ni.

Quiz competition-a khuallian, School Education additional director K Laldingliana chuan, kumin January thlaa 'My city, my heritage' tih essay inziahsiaka lawmman dawngtu mi pahnih - Lalrinnungi leh Lalruatkimi Hnamte, St. Pauls HSS ve ve hnenah trophy a hlan a ni.