Bru hruai kîr dan tur sawiho

Kolasib district-a chêng ṭhin Bru, Tripura re­fugee camp-a awm mek­te lâk lêt dan tur ngaih­tuahin Inrinni khan DC conference hall-ah Minis­try of Home Affairs (MHA), Mizoram Home department leh Kolasib district official-te an ṭhukhawm.

MHA adviser (NH) Mahesh Singla chuan, Mizorama Bru-te an kîrna turin sum leh tha tam tak sên a ni tawh tih sawiin, "Hei vang hian sorkar laipui chuan tun ṭum repatriation hi a hlawhtlin ngei theihna atan hma a la a ni. Hruai kîr tura inbuatsaihnaa official leh village council-te ṭanrual­na a lawmawm hle," a ti.

Meeting-ah hian, Bru-te lo dawnsawnna tura inbuatsaihna hrang hrangte sawiho a ni a, an chenna tur khua ruahmante bakah, an chen lailâwkna tura rua­hmante hmunah enho a ni.

November 2016 thlenga Kolasib district-a Bru kîr tur chhinchhiah zat chu chhungkaw 824 an ni a, khaw 10-a dah turin ruahmanna siam a ni. Bru hruaitute pawhin Kolasib district inbuatsaih dan chu October 2016 khan a hmunah an enfiah tawh a ni.