MPCY-in Joint NGO thlâwp

MPC party ṭhalaite chuan Inrinni khan thuchhuah siamin, NGO Coordination Committee-in minister of state Dr BD Chakma bàn tura Chief Minister an ngennain tun thlenga awmzia a la nei loh chu pawi an tih thu an tarlang a; BD Chakma bàn a nih theihna atana Joint NGO-te’n hmalak zui an tum dan chu an thlâwp thu an puang.

MPCY chuan, minister BD Chakma chu minister atana a thutiam bawh­chhiaah puhin, “Danpui palzûttu Dr BD Chakma hi minister chanvo chelh reng tlak a nih tawh loh laia CM Pu Lal Thanhawla’n a la hum tlat hi âwm lo kan tiin kan dem tak zet. Dr BD Chakma vanga buaina leh harsatna lian zawk a thlen loh nan a rang thei ang bera minister aṭanga bàn turin Chief Minister kan phût nawn a ni,” an ti.