ECM leh LIKBK hruaitute inkâwm

Evangelical Church of Maraland (ECM) Central Working Committee leh Lairam Isua Krista Baptist Kohhran (LIKBK) General Administrative Committee hotute chu Inrinni khan Lawngtlaia LIKBK Assembly pisaah an ṭhu khawm a; ECM leh LIKBK inkarah thawhhona ṭha zawk a awm theih dan tur an sawiho.

Ṭhutkhawmnaah hian thawh­hona ṭha zawk a awm theih nana bawhzui zel turin Joint Committee an din a, hruaitu turte an thlang nghal. Joint Committee chairman atan LIKBK general secretary Rev. C Hrangzuala, vice chairman atan ECM moderator Rev. Thylua Hlychho, secretary atan ECM senior executive secretary Rev.Dr Lai U Fachhai leh assistant secretary atan LIKBK assistant general secretary (Mission) Rev. B Zazawna Lai te an thlang a ni.