BCM-in missionary pariat tir chhuak

Baptist Church of Mizoram chuan nimin Pathianni chawhma khan Lunglei Bazar Veng biak-inah missionary tirh chhuah inkhawm an nei a, missionary atana lak thar mi pariatte an tir chhuak.

Missionary tirh chhuah inkhawm hi Rev. KV Thanga’n a kaihruai a, BCM general secretary Rev. F Ram­din­mawia’n thuchah sawiin, BCM Mission coordinator Rev. B Lalrin­awma’n missionary-te tirh chhuahna hun a hmang. Missionary tharte hi Dam­parengpui, Arunachal West, Chawngte, Vaṭhuampui, Ngengpuitlang, Samuksuri, Gangtok, Sikkim leh Betbunya-ahte rawng an báwl dawn a ni.