Aizawl Sahuan ramsa 15 IGZP hnenah pek a ni

India rama sahuante ramsa inthleng tawnna, Animal Exchange Programme hmangin Aizawl Zoological Park-a ramsa 15 chu nimin khan Indira Gandhi Zoological Park (IGZP), Vishakapatnam hnenah pek a ni a, vawiin hian Aizawl Sahuan aṭangin IGZP panpui a ni ang.

Aizawl Zoological Park aṭanga ramsa pekte chu - Záwng hmaisen pariat, Telpui pali, Savawm pakhat leh Zo záwng pahnih a ni. IGZP-a ramsa awm zingah Aizawl Sahuana dah theih tur mamawh a awm loh avangin tun ṭumah chuan IGZP-in Aizawl Zoological Park-ah ramsa pek a nei lo.

Aizawl Sahuan hian February 2021 khan Nandan­kanan Zoological Park hnenah ramsa 13 an lo pe tawh bawk.