Lirthei lei khuahkhirhna vangin Fisheries-in lirthei an lei rih lo

Fisheries minister K Lalrinliana chuan, Mizoram sorkarin lirthei enkawl leh a thar lei chungchangah khuahkhirhna a siam avangin lirthei thar an lei theih rih loh thu Assembly House a hrilh.

MNF member Dr ZR Thiamsanga zawhna, Champhaia Fisheries department office-in lirthei an neih loh vanga harsatna an tawh zeuh zeuh avanga motor ngaihtuahsak theih an nih leh nih lo a zawhna chhangin K Lalrinliana chuan, "Mizoram sorkar sum harsatna leh renchemna avangin motor thar lei leh enkawl chungchangah khuahkhirhna a siam a, hei vang hian Champhai office tana motor thar lei chungchangah Fisheries department chuan hma a la thei rih lo," a ti.

Fisheries department, Cham­phai tana an rama pisa tur sa tura ruahmanna a awm leh awm loh zawhna chhangin Fisheries Minister chuan, "Building sak tura ruahmanna a awm rih lo," a ti a; sorkar laipui aṭangin a remchang thei tur zawn mek a nih thu a tarlang.